Gorseth Kernow: Newodhow Kens 2002

	Gorseth Kernow: Newodhow Kens 2002

Richard Garfield Jenkin (Map Dyvroeth) 1925-2002

Gorseth Kernow a-gyn coll onan a'y thus cotha mur y vry gans tremenva Map Dyvroeth (Richard Jenkin). Ef a-wonys dybarow deu dermyn avel Barth Mur ha'y scolhyksys ha hembronksys re-bu druth dres musur dhe ober an Orseth, ha'y omryans der oll y vewnans dhe sewena Kernow ha'y fobel yu ensompel dhyn-ny-oll.

Jowan an Cleth, Barth Mur, 16ves mys-Du 2002

Rak trubyt lun dhe Richard Jenkin gwra clykkya omma.

Byrth Kernewek a-omguntell yn Vyctorya, Ostraly

Byrth Vyctorya a-omguntell bledhennek an 3a de-Sadorn a vys Hedra rak dathla materow yn-kever pup testen a negys Gorseth Kernow. A gleth dhe dhyghow: Lesley Morton, June Parrot, Stephen Amos, Joy Menhennit, Alison Stephen, Janet Woolhouse, Lilian Dell, Peter Trevorah, Edna Ellis, George Ellis, Bill Whitford, Bill Phillips. Nyns-esa ena na Ruth Hopkins na Richard Snedden.

Dewhel dhe ben an folen

Bybel Kernewek

Y fu dyllys yn 2002 Testament Noweth yn Kernewek Unys Amendys.

chough An balores a dheneth arta yn Kernow

Der trelyansow y'ga threveth ny wrug an Balores denethy y'n gwyls yn Kernow dres 50 bledhen, mes copla re be lemmyn gwelys. Yth yu Bran Vras gans gelvynek ruth ha dywar ruth. Yth yu prederys y whrug an copla dos adhyworth Ywerdhon po Kembry Dyghow. Y fe arweth gwlasek a Gernewek mar bell bos an ger Kembrek rag an Balores Bran Gernyw. Yth yu crysys hy bos gwythyades an spyrys a Vyghtern Arthur neb a wra y'n termyn a dhe dewheles dhe dhelyfra y bobel. Ryalobran (Bran Vras Ryal) o Pensevyk Kernewek neb yu cofhes war an Men Scryfa ogas dhe Eglosvadron/Morveth.

Gwary Myrkel

Gwary Myrkel nag o aswonys kens adro dhe Vewnans a Sen Ke ha whethel a Vyghtern Arthur re ge kefys y'n Lyverva Genethlek a Gembry yn Aberystwyth. An dheu yu scryfys yn Kernewek ha'n dornscryfow a's teves deth a adro dhe 1540.

Tour eglos Sen Ke, ogas dhe Borth Ke, Kernow


	Dewhel dhe ben an folen Dewhel dhe folen 'Dynargh - Newodhow'

Yn Kever Ystory Solempnytys Cofscryvow Wharfosow Kesstryvyansow Kevrennow Tuch