Kescusulyans menestrouthy Kernow 2008
Deth fest lowen o, an 11ves Mys Hedra orth Drehevyans Covath, Lanhydrek. Hen yu dhe Gescusulyans an Orseth ha fest sowen o an jeth yn tyen.
Frances Bennett (Merth Barlowenna), Hilary Coleman (Attamyores)
Myttynwyth, Frances Bennett, Merth Barlowenna, Hilary Coleman, Attamyores ha Frank Pickering a wytha an woslowysy yndan hus dres dyw ur gans ylow, areth, pycturs ha bardhonyeth. An desten o vyaj dres menestrouthy Kernow ha fatel re be dasserghyans an menestrouthy hengovek dre dhyghtyans arnoweth.
Gary Tregidga/Map Rosvean hag y das
Wosa ly, Gary Tregidga, Map Rosvean, a dheryvas dhyn, gans ylow ha skeusennow, whethel a’n Gresen Rescorla, Cresen rag gonysegeth. Kepar a vry o, hag ef a besyas adro dhe ylow an Vro Bry ha musycyens kepar ha Wilson Manhire. Gweresys ova gans Mike O’Connor, Crowder.
Mike O’Connor, Crowder.
An jeth a worfennas gans ylow a-dhyworth oll an venestrels-na hag ynweth Barbara Griggs, Tas Gary Tregidga, Stan,Colin Roberts, Mab Sen Kolumm ha’y wrek, Alison ha Mark Hawken. John Benallick, Whethlor Wenna, a gevrannas an menestrouthy gans whethlow pur dhydhanus! Godhon mur ras dhe Keith ha Clarinda Truscott, Canor Plu Golom ha Canores Porthysak, ha’ga fara rag an jeth splan-ma.
Rag deryvas cot video yn Sawsnek clykkya omma mar plek.
Rag poynt newodhow yn Kernewek clykkya omma mar plek.
An woslowysy.
|
