Maureen Fuller (Steren Mor (Star of the Sea))
Y feu Maureen genys yn Klavji Sen Barnabas, Essa, ha megys yn chi hag a viras dres an Tamar. Hi a veu adhyskys dhe Skol Flehesigow Longstone , Skol Yowynk Essa ha wortiwedh, Skol Grammar Essa. Ha hi 18 bloodh, hi eth dhe Kolji Rolle, Exmouth, le may hwrug hi dyski dhe dhos ha bos dyskadores ha ledyores yowynkneth. Pan wrussa hi gradhe, hi a dhehwelis dhe Essa awos yehes drog hy mamm, hag a gavas soodh yn hi hen skol, Skol Yowynk Essa, le may hwrug hi triga 39 bledhen, kyn feu henwys a-dhiwedhes Skol Kynsa Brunel, pan wrug hi omjunya gans Flehesigow Longstone.
Maureen re gemeras les pup-prys yn puptra Kernewek ha dhe 10 bloodh, y halsa hi havos ow kesweles gorvodrebeth, gorewntres, tasow wynn ha mammow gwynn a-dro istori hy theylu. Teylu hy mamm a dheuth dhyworth Porth Goverik, war an konna-tir Lysardh ha Lanvouseth war an konna-tir Ros. I a drevesigas dhe Aberfal hag yth ens i an mayn yn fundyans an lewyorieth. Unn tas-kuv o Mesterporth gwerinek a Aberfal, gans y gila lewyas yn kompes an Cutty Sark a-berth yn Aberfal. Y’n kettermyn, mamm-guv o keginores rag Arludh Aberfal dhe Dregothnan.
Teylu hy thas yw sevys a byskadoryon Kastel Boterel. Ha hi 13, Maureen a welas towlen war Spotlight le may feu fylmys Ann ha Richard Jenkin ow kavos te y’ga lowarth, yn unn glappya Kernewek. A-dhia an jydh na, hi a veu synsys gans an taves hag ervira dh’y dhyski pan ylli kavos dyskador. Yn 1973, pan dhehwelis hi dhe Essa, hi a omjunyas gans klass Kernewek Wella Brown ha gwrys bardhes an taves dhe Bluw Golom gans Richard Jenkin, Map Dyvroeth. Yn unn besya gans istori hy theylu, hi a veu pigus dhe gavos hanow teylu ‘Roskruge’ y’n Taves Kernewek.
Yn 1981, Maureen a omjumyas gans Kesva an Taves Kernewek ha skon y teuth ha bos an skriifennyades apposyansow, soodh hwath synsys gensi y’n jydh hedhyw. Yn 1991, y feu govynnys orti bos Pennstyward an Orsedh, yn 1994 Marshal Yowynk hag yn 1997 Marshal an Orsedh, soodh re beu fest da gensi.
|
