Gwenenen (Vanessa Beeman)

Ny ve genys Gwenenen yn Kernow, mes yn Nairobi, ha'n tylu a dryga an brassa ran a'y flogoleth yn Tanzania, mes, byth pan dhewhelens dhe'n RU, y trygens gans hy thasgwyn tasek, Sidney Hocking, Kernow prowt nep a'n jevo lyes lyver kernewek, ha synsys ynna, Dorn Lyver an Tavas Kernewek, gans Henry Jenner. Dewetha, y studhyas hy kenystory dhe Manchester ha Liverpool, ha rag Gwarak Wosa Gradhya Dyscans yn Kembry kens dysky yn scol dhe Druru, hag a-wosa yth eth dhe Soth gans Ran Federal an Hensys yn Nigeria, hag ena dhe dysky dhe Unyversyta Ahmadu Bello, Zaria.

Yn 1986, hy ha'y gour Robert a dhewhelys dhe Gernow dhe dyller ogas dh'y herens, ha hy ha'y thas a omjunnyas Class Kernewek Myrgh Dumnonia dhe Benryn. Hus o an yeth aban an dalleth, ha hy ha'y thas Kaspar Hocking a dheth ha bos Byrth y'n keth vledhen.

Wosa seyth bledhen owth obery dhe Gastel Lanvauseth, y'n dedhyow ma hy a ober avel scryvynyades rag negys skyans jynnys hy gour.