Pachuca ha Real del Monte
Yma revrons bras dhe'n Gernowyon omma hag Cowethas Gernewek-Mexican a ve dynerghys "gans breghow ygor ha colonnow ygor" pup tyller ethons, gans pobel marthys a'n bro.
Yth esa'n kensa towl a'n vysyt 2008 dhe sewya olow treys Hyrdravel Bras 1825 Stenoryon Gernewek heb own , ha dhe vetya aga dyeskynyasysy. Yn 1825 y ethons dhyworth an treth dhe Morcambo, Vera Cruz, canasow myldyr dhe Real del Monte. Y tegens 1,500 ton dafar rag gul dhe dhasvewa whelyow arghans marow.
An bagasow Kernewek adhewedhes "Hyrdravel Bras" a dhewedhys dhe Real del Monte rag Deth Stenoryon. Yth esa servys covath dhe'n corflan Gernewek hag an solempnyta gevellyans yntra Resruth ha Real del Monte. Fleghes scol a wruk performya an gwary "Tristan hag Isolde" hag yth esa solemnyta corra-garlont dhe'n ymach stenor splan.
Yma an dhyw dre mur gothys aga unyansow Kernewek ha golya a wrons aga ertach gonys whel rych. Yma dyeskynyasysy Gernewek pur hewel hedhyu gans henwyn kepar ha Skewes, Rule ha Hoskins ow ry dhe vewnans pupteth oll.
Yma y'n dhyw dre kemynro bras aral a'n tylyow gonys whel Kernewek, gegynyeth plesourys. Yma "PASTES" parys yn lyes gwerthjy ha popty. Yth esa an pasty faven dasfryes spycek an gwella gans Vanessa, dybrys y'n luf, cornel dhe gornel kepar del leverys gans hengof whath. Yma 'didgan' gorrys yn le rag kemmys ha'n 'knockers' Mexican.
Yma dhe "Cornish Mexican Society" war an www.
|
