Bewnans Kernow
Y fu ystory gwres De’Sadorn an 14ves a vys Whevrer pan vu profyes kescowethyans noweth rak Kernow. Cuntellyans dhe Druru a welas 33 yn-mes a voy es 40 bagas yu bys y’n ur-ma aswonnys, dhe avonsya an achesonys a wryansow gonesygethek in Kernow, hag a-dro dhe’n bys, hag yw Kernewek yn arbennek y’ga gnas. An Kescowethyans hag a vyth aswonnys avel Bewnans Kernow or Cornish Life, re bu profyes eseth dhe’n Kescowethyans Gonesygethek Kernow. An kescowethyans-ma a nyvel ughella a omdhysqueth a-barth an Asran Wonesygethek yn Kernow ha bosa yn Kescowethyans Stratejyk Kernow a’n nyvel ughella, res an ober a denna warbarth Towl Stratejyk noweth rag Kernow. An towl-ma a vyth glasprynt rag dysplegyans gonys, delyfrans ha arghasow yn Kernow, del wren-ny avonsya. Y re kennerth dhe weles gonesygeth aswonnys avel onen an eth kescowethyans ‘thematek’ ow posa y’n towl, ha dres hemma y plek mur del vu aswonnys gans an auctorytys bry a’gan gwryansow gonesygethek genesyk.
Bewnans Kernow a vu omguntellys gans an Orseth wosa hy bos neshes, drefen hy bos kevarwedhores nasek dres an Asran, dhe ry gweres dhe greatya kescowethyans a’n par-ma. Y fyth an kescowethyans noweth provyes gans scryvynyanseth ran-termyn gans an Orseth, may hyllyr fundya an bagas, grassow mur a nebes arghasow dyworth Consel Kernow.
Deu guntellyans moy re bu towlennys dres an mysyow usy ow tos may hyllyr provya enworrans y’n Kescowethyans Stratejyk Kernow a-dhyworth an Asran Wonesygethek Kernewek ha dhe fundya yn furvek an bagas avel corf kescowethyans.
An Orseth a garsa gothvos gras dhe Gonsel Kernow ha gnas ledyoryeth an cowethyansow neb yw mar avonsys y’ga gwelesygethow dhe omry dhe’n corf noweth. Kens oll, Julie Seyler a’n Unsys Creatus yn Consel Kernow yu aswonnys rak hy scothyans y’n argerth.
Quango Gonysegeth SW
Da vyth gans Byrth dhe wothvos an quango casadow "SW Culture" a wra degea dhe dheweth mys Merth. Yth esa'n Orseth dhe'n tu arak a enebyans cref dhe'n devedhyans dhe Wonysegeth Kernewek a'n quango ma.
|
