 |
|
|
||||||
Nyver a brofyansow rag kesstryyvyansow an Orseth hevleny re be pur dha - an 75ves penbloth aban ve fundys an Orseth Kernow - gans lyes whythrans rag lyfrygow adhyworth an wyasva. Awos henna, yth esa nyver brassa a brofyansow adhyworth tramor. Profyansow tus a os re encressyas hevleny hag yth o mur an reward dhe weles profyansow adhyworth scolyow Kernewek - nebes anedha re omdremenys -ha scodhya an kesstryvyansow heb let, kens oll, Scolyow Pensilva, Richard Lander, Nankersey, Crowan, Upton Cross, St.Mewan ha Weeth gans Brunel owth ombrofya an kensa tro. Lywans, Bardhonyeth ha whethlow ber yu murgerys gans profyansow dhe scolyow, mes, yth esa scol yn unyk Scol Elvennek Kemeneth St. Mewan gans 70 profyans rag an class Studhyans a Desten Gernewek yndan 11 bloth - class ny wruk scolyow profya rag nebes bledhynnow - agan colon a re gans henna. Hannah Rothero - nep a brederas dhe wul omwel gans hy mamwyn - a dhyndylas kensa le gans hy scryf 'Mamwyn adro dhe Vamwyn'. Ynweth, Christopher Bennett nep a waynyas kensa le y`n class ober ylow 11-18 bloth - arta kensa le a dal y dhyndyl. Profyansow an Yeth Kernewek rag yeth plen ha bardhonyeth re be pur dha, gans an pewas ughella gwaynys gans Bardh, y hanow a vydh deryvys dres an solempnyta an Orseth dhe Gastel Lanstefan de Sadorn an 6ves a vys Gwyngala An Cornwhylan Cross, an pewas rag Ober Ylow, re be gwaynys gans John Sheridan adhyworth Ameryca. Yma gwaytyans dhodho del wra ef y gemeres y honen. An assay hynwys 'Restormel Castle in Feudal Times', scryfys gans Charles A. Lovell a dhyndylas kensa le y'n class Assay Kernewek, hag ynweth, ef a waynyas pewas rag whethel ber scryfys adro dhe Gernow. An classyow Ranyeth Kernewek a dhegemeras nyver da a brofyansow. An brusyas a notyas bos bryntyn an scryf yn Yeth Plen gans an gwaynyer Ronald Grubb (Truru) ha Bryan Teague (Hellys) re waynyas an Gwers Ranyeth. An classyow Bardhonyeth a dhegemeras arta nyver pur dha a brofyansow. Helen Partridge (St Ive) a scryfas 'Surfacing II' hag o descryfys gans an brusyas avel "bardhonek a wra amuvya yn town ha scryfys yn maner pur galwsegethek". An keth o leverys adro dhe 'Ding Dong', scryfys gans Michael Dundrow (Madron). An dheu a dhyndylas kensa le. Alicia Martin a waynyas an Bagas Fotografy gans hy frofyans hynwys 'Power From The Past', ow pos gwel marthys a jynjy, ha Malte Tschirschky (Almayn) a gemmeras an kensa pewas gans foto unyk hag ynweth, nessa le y'n Class Bagas. 'St Keverne Youth Band at The Lizard', lywys gans Terry Slater, a waynyas kensa pewas yn-mes a'n 22 profyans dowr-lyw, ha Mark Dorrell a gemeras kensa le gans 'Garrison Gateway, St Mary's, Isles of Scilly' y'n class Lymnans Mayn Aral, mayth esa naw profyans. Y hyllyr cafos lyfrygow an kesstryvyansow rag an vledhen a dhe dhe dhalleth a vys Gwyngala hag oll an classyow a wra gorfenna dhe ben a vys Merth 2004. Y hyllyr cafos pella deryvadow ha lyfyrygow Kesstryvyansow adhyworth Mrs Deborah Bennetts, 72 Fore Street, Beacon, Camborne, Kernow TR14 7SE (dre dhanvon SAE) po y hyllyr aga hafos, an jeth Gorseth Kernow yn unyk, dhe Hel an Eglos St Mary Magdelene, Lanstefan, le may fyth dyspletyans ober an waynyoryon.
Web design and logo copyright © 2001-2003 |
||||||||
